Февраль айны 28-нде Магьачкъала шагьарда, Гьукуматны уьюнде Да­гъыстан парламентни 21-нчи сессиясы оьтгерилди. Сессияны ишин Халкъ Жыйынны Председатели Хизри Шихсайитов юрютдю. Сессияны ишинде ДР-ни башчысыны къуллугъун заманлыкъгъа кютеген Рамазан Абдулатипов, РФ-ни Федерал Жыйыныны Пачалыкъ Думасыны ва ДР-ни Халкъ Жыйыныны депутатлары, гьакимлик къурумларыны, суд, ихтияр якълав къурумларыны, политика партияланы, жамият бирлешивлерини ва маълумат къуралларыны вакиллери ортакъчылыкъ этди. Сессияны гюнлюк низамында 17 масъала арагъа салынып ойлашылынды.

Алдагъы гюнлерде ДГУ-ну конференц-залында «Мен дагъыстанлыман ва мен россиялыман» деген телемост оьтгерилген. Шо телемост ДР-ни РФ-ни Президентини янындагъы даимлик вакилини сиптечилиги булан оьтгерилген.

Ана тилге агьамият берив артдагъы вакъти артагъаны кимни де тергевюн тартмай къоймай

Алда йимик, бу гезик де ана тиллени байрамына шагьардагъы ва райондагъы ана тиллени муаллимлери, педагогиканы ветеранлары, шаирлер ва язывчулар, алимлер ва йыравлар чакъырылгъан эди. Ана тиллени байрамын Россияны ат къзангъан артисти Байсолтан Осаев ва шаир Супиянат Мамаева юрютдюлер.

Сталинград. Шо шагьар бизин Ватаныбызны тарихинде гьаман да ону азатлыгъы учун болгъан урушларда жан берген миллиондан да артыкъ совет солдатланы къоччакълыгъыны белгиси гьисапда сакъланажакъгъа шеклик ёкъ. Арадан 70 йыллар гетген буса да, къоччакъ шагьар Сталинградны гьар къарыш топурагъы учун жанын бергенлени атлары унутулмай. Унутулмагъа кюй де ёкъ. Олар яш наслу учун игитликни ва Ватанын жанындан артыкъ сюювню белгиси гьисапда асрулар боюнда сакъланажакъ.